Senin, 01 Desember 2014
Tradhisi Budaya
Arak-arakan Saben Wulan Maulud
Ing Dhesa Gogik Kecamatan Ungaran Barat
Wulan Maulud utawi Mulud menika
dinten lairanipun Nabi Muhammad SAW. Lha para warga ing dhesa Gogik inggih
dhusun Gintungan meniaka nganakake mauludan. Mauludan Menika biasanipun maos
albarjanji utawi berjanjenan utawi ndziba’an. Wekdalipun menika kelakon 12
dinten kawiwitan wonten ing wulan Maulud. Mauludan menika kalaksanaaken wonten
ing Musholla utawnipun wonten ing masjid. Mauludan menika boten sadhela inggih
boten dangu-dangu. Ananging wekdal ba’dha isya’ menika sampun bibaran. Sabibare
mauludan menika satunggaling tiyang bekta jajan. Wonten ing dhesa utawi dhusun
ing dhaerah kula namanipun “jaburan”.
Jaburan menika diparingaken kagem tiyang-tiyang ingkang sampun ndherek
Mauludan. Sawise Mauludan padha sami jama’ah isya’ wonten ing musholla utawi
masjid menika.
Dumugi tanggal 20 Maulud, wonten
ing Dhesa Gogik menika nganakake arak-arakan kagem mengeti lairanipun Nabi
Muhammad SAW. Arak-arakan menika isinipun kreatifitas-kreatifitasipun saking
saben-saben Rt. Rtnipun wonten Dhesa Gogik menika wonten 9 Rt. Padha sami
nampilaken kreatifitas-kreatifitasipun. Arak-arakan menika kawiwitan saking
dalemipun pak Lurah dumugi dhusun Gintungan, balik malih, lan kapungkasan
wonten ing dalemipun pak Lurah.
Sawuse adicara arak-arakan menika
warga dhesa Gogik padha sami slametan wontening plataran dalemipun Lurah Dhesa
Gogik menika. Lurah Dhesa gogik inggih lurah Dhusun Gintungan menika sami.
Wonten ing slametan menika padha sami hajat, isinipun hajat menika inggih
mugia kauripan wonten ing dhesa Gintungan sami tentren, sejahteta lan boten
wonten gangguan punapa-punapa.
Inggih menika sathithik carita
tradhisi arak-arakan wontening dhesa Gogik, Kecamatan Ungaran Barat saben
tanggal 20 Maulud menika.
Siti Nurhafidhoh
Semarang, 1 Desember 2014
