Sabtu, 13 Desember 2014
Sedhekah
Dhusun ing Dhusun Gintungan
Dhesa
Gogik Kecamatan Ungaran Barat
Sedhekah dhesa utawa
sedhekah dhusun wonten ing Dhusun Gintungan, Dhesa Gogik, Kec. Ungaran Barat
menika kaleksanaaken bibaring panen. Tradhisi menika kaleksanaaken inggih
ancasipun awujud rumaos syukur masyarakat Dhusun Gintungan dhumateng Gusti
ingkang sampun maringaken kasil bumi lan saged dados sumbering kauripan
kagemipun masyarakat Gintungan samenika.
Masyarakat Gintungan
samenika percaya dhumateng sedhekah dhusun utawa sedhekah dhesa, amargi kasil
bumi ingkang sampun dipunparingaken dhumateng masyarakat Gintungan, saget
nguripi kauripan dheweke lan dheweke wantun menawi kasil buminipun ingkang
sampun dipunparingkane menika ical punapa boten manfaatipun kagemipun
masyarakat Gintungan.
Adicara wonten ing sedhekah dhusun ing Dhusun
Gintungan, Dhesa Gogik, Kec. Ungaran Barat, menika, para warganipun ndherekaken
arak-arakanipun lan wonten ing arak-arakanipun menika kasebut Rt-Rt wonten ing
Dhusun Gintungan samenika andamel kreatifitas awujud replika-replika kasil bumi
punapa replika panggonan wisata wonten ing Dhusun Gintungan samenika.
Tuladhanipun, replika tumpeng raksasa, panggonan wisata awujud grojogan banyu
ingkang namanipun “Air Terjun Semirang”. Menika peanggonanipun antawis Dhusun
Gintungan kaliyan Dhesa Gogik. Salajengipun dipunarak saking parapatan Dhusun
Gintungan ngantos sumber banyunipun Dhusun Gintungan inggih namanipun Sumber
banyu “Sokoponco”. Ananging, padatanipun masyarakat Dhusun gintungan nyebatipun
menika “Blumbang”. Lajeng, replika menika dipunselehaken wonten ing sekitaripun
”Blumbang” menika.
Samenika wonten ing
“Blumbang” menika, taksih wonten adicara ritual sedhekah dhusun. Adicaranipun,
pambagya harja saking perangkat dhusun kaliyang perangkat dhesanipun,
nyemplungake iwak wonten ing “Blumbang” menika, salajengipun sasami pandonga,
ingkang dipunpimpin dening tetuwo wonten ing Dhusun Gintungan samenika. Salajengipun
iwak dipunsuntak dening Kepala Desa Gogik. Lajeng, para masyarakat padha sami
jeguran wonten ing “Bumbang”. Padha sami sirat-siratan. Ananging, nalika
sirat-siratan ampun padha nesu. Menika wonten ing “Blumbang” padha sasami
seneng-seneng lan guguyonan. Masyarakat boten ngentoake iwak, ananging
masyarakatipun sampun padha sami seneng. Sampun wekdal dhuhur, masyarakatipun
padha bubar. Lajeng, ba’dha dhuhuran wonten ing ndalemipun Kepala Dusun menika
sami ningali pagelaran wayang, dipunpungkasi ba’dha ashar. Lajeng dipunwiwiti
malih wekdal ba’dha isya’ ngantos ngenjang. Samenika wekdal dhuhur kaliyan isya’,
dalangipun benten.
Ritual sedhekah dhusun
utawa sedhekah dhesa samenika sampun kedadean saking tahun 2000-an kalih
masyarakat Dhusun Gintungan.
Hafidhoh Ar-Rohman
Semarang, 13 Desember 2014
