Pembelajaran Bahasa Jawa

Posted by : Unknown Kamis, 01 Januari 2015

Pembelajaran Bahasa Jawa kelas VII Kurikulum 2013
Semester Ganjil

Standar Kompetensi : Membaca

- Mampu membaca bacaan sastra, nonsastra dalam berbagai teknik

- Membaca dan bacaan berhuruf Jawa

Kompetensi Dasar : Membaca indah geguritan dan tembang Durma

Indikator : - Membaca indah geguritan
- Mengartikan kata-kata sulit dengan tepat
- Menyebutkan intisari geguritan dengan tepat
- Menyebutkan nilai moral dalam geguritan
- Memberikan pendapat tentang isi geguritan dengan santun

Metode Pembelajaran

Metode : Permodelan, Tanya jawab, Penugasan

Kegitan Pembelajaran

a. Kegiatan Pendahuluan

1. Siswa merespon salam dan pertanyaan dari guru berhubungan dengan kondisi dan pembelajaran sebelumnya.

2. Siswa menerima informasi tentang keterkaitan pembelajaran sebelumnya dengan pembelajaran yang akan dilaksanakan.

3. Siswa menerima informasi kompetensi, materi tujuan, manfaat, dan langkah pembelajaran yang akan dilaksanakan.

4. Siswa mengungkapkan pengalaman siswa dalam membaca geguritan.

b. Kegiatan Inti

1. Guru sebagai model membacakan membaca geguritan tradisi gotong royong dengan intonasi, lafal, dan ekpresi yang tepat,

2. Guru menunjuk siswa untuk membaca geguritan didepan kelas dengan penuh percaya diri

3. Siswa dan guru bertanya jawab tentang isi geguritan dengan santun

4. Siswa memberikan pendapat tentang isi geguritan dengan santun

5. Siswa menjawab pertanyaan guru dengan santun

c. Kegiatan Penutup

1. Siswa dan guru melakukan refleksi dengan menanyakan ke siswa hambatan yang dihadapi dalam menemukan ciri-ciri geguritan dari buku antologi geguritan

2. Guru bersama Siswa menyimpulkan pelajaran.

3. Pemberian tugas mencari geguritan melalui internet atau majalah berbahasa Jawa

Praktik Mengajar

(Guru mlebet wonten kelas)

Guru : “Sugeng enjang, para siswa.”

Para Siswa : “Sugeng enjang, bu guru.”

Guru : “Sumangga ketua kelasipun mimpin donga rumiyin.”

Siswa 1 : “Saderengipun pelajaran dipunwiwiti, sumangga sami dedonga kanthi kapitayan sowang-sowang. Donga kawiwitan.”

( guru lan para siswa sami ndingkluk lan ndonga )

Siswa 1 : “Donga paripurna”

Guru : “Inggih. Samenika pepanggihan malih kaliyan bu Guru wonten ing piwucalan basa Jawi. Saderengipun, sinten ingkang mboten mlebet ing dinten menika ?”

Siswa 2 : “Samenika mlebet sedanten, Bu.”

Guru : “Kala wingi, angsal tugas punapa boten, para siswa ?”

Para siswa : “Wonten, bu. Kala wingi angsal tugas nyinaoni tembang Durma.”

Guru : “Para siswa sampun sami saged nembangipun ?”

Para siswa : “Saged, Bu.”

Guru : “Coba para siswa sami nembang sareng-sareng. Bu Guru badhe mirengaken.”

Para siswa : (Nembang Durma)

Guru : “Inggih. Menika sampun sae. Nanging, langkung sae malih menawi dipunsinauni malih wonten ing griya, supados langkung pinter anggenipun nembang Durma.

Menawi mekaten dipunwiwiti mawon materi salajengipun. Dinten menika bu Guru badhe ngucal bab geguritan. Sinten ingkang sampun ngertos punapa geguritan punika ?”

Siswa 3 : “Kula, Bu.” (ngacung )
“Geguritan menika puisi ngagem basa Jawi.”

Guru : “Inggih, leres. Geguritan menika saged dipunwastani puisi. Ugi saged dipunjlentrehaken menawi geguritan menika karangan kang pinathok tembang, ananging guru gatra, guru wilangan lan guru lagunipun mboten ajeg. Cara maosipun mboten sami kaliyan tembang, geguritan menika dipunwaos miturut andhap inggilipun intonasi lan artikulasi ingkang cetha.

Siswa 1 : “Intonasi punika punapa, Bu ?”

Guru : “Intonasi menika lagu ukara ingkang kedah dipungatekaken, para Siswa. Wonten wayah maosipun alon utawi seru, panjang utawi cendhak.”

Siswa 2 : “Bu, lajeng artikulasi menika kados pundi ?”

Guru : “Mekaten para Siswa, artikulasi menika pelafalan. Anggenipun maos geguritan kedah cetha artikulasinipun. A , I, U, E, O, da, dha, ta, tha kedah cetha. Sampun mangertos, para Siswa?”

Para Siswa : “Inggih, Bu.”

Guru : “Nah... . Samenika Bu Guru kagungan tuladha geguritan kanthi judhul Merapi. Sinten ingkang kersa maos geguritan wonten ngajeng ?”

Siswa 3 : “Kula badhe nyobi maos, Bu.” (ngacung)

Guru : “Inggih, majeng, Ndhuk.”

(Siswa 3 majeng wonten ngajeng kelas lan dipunparingi kertas geguritan kaliyan Bu Guru )

Guru : “Menika wonten ingkang badhe maos geguritan, siswa sanesipun mirengaken, nggih. Mangke menawi wonten tembung ingkang mboten ngertos saged dipunsuwun pirsaaken kaliyan Bu Guru.”

Para Siswa : “Inggih, Bu.”

(Siswa 3 maos geguritan )

Merapi
Dening : Puthu Aryana

Merapi.. .
Saka kadohan katon gagah
Asep putih ndedel ing awiyat
Tilas dalan lahar katon cetha
kena sinare Hyang Bagaskara
Merapi... .
Saumpama kowe bisa crita
Kabeh kadadean ing tanah Jawa
Wieit jaman Mataram Kuna
Nganti madege Kraton Ngayogyakarta
Merapi... .
Sliramu anyekseni kridhane bangsa
Wiwit nalika ngusir Walanda
Jaman mardika jaman Soekarno
Nganti jaman Soeharto
Jaman Habibie tumekaning Megawati lan Susilo
Merapi dadi saksi

(Siswa 3 lenggah malihwonten ing bangku)

Guru : “Sae sanget. Para Siswa paring keplok.”

Para Siswa : (keplok)

Guru : “Menika sampun sae anggenipun maos. Nanging intonasinipun tasih wonten ingkang kirang trep. Nalika maos menika mboten usah kesesa. Tuladhanipun mekaten.
Merapi... .
Saka kadohan katon gagah
Asep putih ndedel ing awiyat
Tilas dalan lahar katon cetha
kena sunare Hyang Bagaskara
Mekaten, nggih?

” Samenika wonten tembung ingkang kirang mangertos punapa mboten, para Siswa ?”

Siswa 1 : “Awiyat menika sejatosipun punapa, Bu ?”

Guru : “Awiyat menika papan ingkang langkung inggil. Wonten ing geguritan menika nggadhahi maksud langit utawi angkasa.”

Siswa 1 : “Lajeng Bagaskara menika punapa sami kaliyan matahari ?”

Guru : “Inggih, leres. Bagaskara menika werdinipun matahari. Menika kalebet tembung dasanama ingkang mapan ing salebeting geguritan. Wonten ingkang badhe nyuwun pirsa malih ?”

(Para siswa mendel)

Guru : “Menawi boten wonten ingkang badhe nyuwun pirsa malih. Bu Guru mawon ingkang nyuwun pirsa. Punapa ta werdinipun geguritan ingkan sampun dipunwaos menika? Ayo, ingkang ngertos ngacung!”

Siswa 2 : (ngacung)

Guru : “Punapa, Ndhuk?”

Siswa 2 : “Geguritan Merapi menika nyariosaken Gunung Merapi ingkang dados saksi bangsa awit Pemerintah Soekarno ngusir Walanda ngantos Pemerintah Susilo.”

Guru : “Leres. Wonten ingkang badhe mangsuli malih ?”

Siswa 3 : “Kula, Bu” (ngacung)

Guru : “Inggih, mangga.”

Siswa 3 : “Merapi menika Gunung ingkang gagah. Merapi dados saksi pinten-pinten jaman. Jaman penjajahan Walanda ngantos mardika.”

Guru : “Inggih para Siswa. Samenika leres sedanten. Anggenipun mangsuli sampun pinter-pinter. Bu Guru pesen, para Siswa kedah kathah-kathah maos geguritan malih supados langkung ngertos. Geguritan saged dipunwaos saking majalah Panjebar Semangat utawi wonten media cetak sanesipun. Mekaten, nggih?”

Para Siswa : “Inggih, bu Guru.”

Guru : ” Samenika piwucalan sampun paripurna. Para Siswa saged ngaso. Ampun kesupen kathat-kathah sinau geguritan wonten griya, nggih? Saderengipun piwucalan dipunpungkasi, ayo ketua kelas pimpin donga rumiyin!”

Siswa 1 : “Donga kawiwitan”

(Guru lan Para Siswa sami ndhingkluk lan ndonga

Siswa 1 : “Donga paripurna.”

Guru : ”Piwucalan dinten menika bu Guru pungkasi . Para Siswa saged ngaso. Sugeng enjang.”

(Guru medal saking kelas)

Paraga :

1. Guru : Anis Wijayanti

2. Siswa 1 : Sayidatul Khoiriah

3. Siswa 2 : Dani Prihastuti

4. Siswa 3 : Siti Nurhafidhoh

HAFIDHOH AR-ROHMAN

SEMARANG, 1 JANUARI 2015