Minggu, 04 Januari 2015
MEDHAR SABDA PASRAH LAN PANAMPI PENGANTEN!!!
1.
Medhar Sabda Pasrah
Penganten
Assalamu’alaikum Wr. Wb
Kula nuwun,
Para sepuh,
para tamu kakung putri ingkang luhur budi. Nyuwun pangapunten dene kula
paripeksa nggempil kamardikan panjenengan sedaya, saperlu kula matur ing ngarsanipun
Bapak (Rohman) sarimbit.
Nuwun, Bapak (Rohman)
sekaliyan. Kula kakersakaken dening kadang kula pun Bapak (Kholil) sekaliyan.
Sepisan : ngaturaken salam taklimipun, kanthi pepuji mugi-mugi
Bapak (Rohman) sakluwarga tansah pinayungan ing Pangeran ambabar rahayu
wilujeng lumeber ing sedayanipun.
Kaping kalih : kula kinanthen rowang sawetawis, kadhawuhan
nyowanaken calon penganten putra,naminipun Bagus Miftah ingkang sampun sarembag
badhe kadhaupaken kaliyan Rara Afidh putra putri panjenengan.
Ingkang punika mugi keparengan nampi. Dene wonten kekiranganipun
ing, Bapak (Rohman) sekaliyan nyuwun agunging pangapunten.
Salajengipun,
kalampahanipun dhauping penganten kasumanggakaken ing kepareng panjenengan
sakluwarga.
Minangka panutuping
atur, mbokbilih wonten atur kula saklimah, sowan kula sarowang, ingkang kirang trapsita
satemah boten damel reraning penggalih panjenengan punapa dene para tamu, kula
nyuwun lumunturing pangaksami.
Cekap semanten, nuwun.
Wassalamu’alaikum Wr. Wb.
2.
Medhar Sabda Panampi Parah Penganten
Assalamu’alaikum
Wr. Wb.
Nuwun,
Para sesepuh, para tamu kakung putri
ingkang kula kurmati. Mugi kalilanana kula nyulihi sedherek kula anem Dhimas
(Rohman) ngaturaken wangsulana paring pangandikanipun Bapak (Rohman) lumantar
Bapak (Ulil).
Bapak (Ulil/paraga
ingkang masrahaken).
Kapisan : kula ngaturaken sugeng
rawuh panjenengan sarowang . sakelangkung ing sukur kula, dene rawuh
panjenengan saetu ngetrepi wanci ingkang prayogi.
Angka kalih :
salam taklimipun Bapak (Kholil/besan) lumantar panjenengan, kula tampi kanthi
suka rena, gumbira ing manah. Mugi pangajab lan pandongan kala wau kajibahan
dening Allah SWT, ambabar kanugrahan, kawilujengan dhumateng kulasawarga,
sumrambah ing para tamu sedaya. Boten langkung dhawah sami-sami.
Kaping tiga :
Bapak (Kholil) lumantar panjenengan maringaken putra jaleripun, naminipun Bagus
(Miftah), sedaya kala wau kula tampi kanthi suka renaming manah.
Salajengipun,
Bapak (Rohman) sampun kepareng paring kapitadosan dhumateng kula babagan
kalampahanipun dhauping penganten, ing mangke kula sendikani. Sanadyan naming
sagaduking kuwawi kula.
Ingkang punika,
panjenenganipun sakanca kula suwun lenggah prayogi ing palenggahan ingkang
sampun kula cawisaken, sumene sawetawis ngira pantes angestreni dhauping
penganten. Dene wonten kiranging boja lan karma anggen kula nampi rawuh
panjenengan sakanca mugi keparengan maringi agunging pangkasama.
cekap semanten
atur kula, Nuwun.
Wassalamu’alaikum
Wr. Wb.
SITI
NURHAFIDHOH
SEMARANG,
4 JANUARI 2015
