Archive for Desember 2014
Cakepan Tembang
By : Unknown
CAKEPAN TEMBANG BABAGAN KONSERVASI
1.
S.M. Pocung, Laras Slendro
Pathet Manyura
Nglindungi alam, ana ing bumi ayu
Kabeha di tata
Tegese di tata bumi kabeha
Bumi resik marang manungsa
2.
S.M. Durma Suragreged, Laras Slendro
Pathet Sanga
Kanca-kanca,
ayo kabeh padha njaga
Njaga ing bumi
iki
Padha rewangoo
Ajaa padha
ndresula
Kabeh kudu
padha setiti
Maring agama
Kuwi yo aja
lali
3.
S.M. Kinanthi, Laras Pelog
Pathet Barang
Ndalu-ndalu aja
padu
Ayo kabeh
benerake
Apa sing ana
ing dunya
Kabeha padha
ngertia
Lan padhar
rumangsa kabeha
Marang bumi ayu
iki
4.
S.M Gambuh Natakusuma, Laras Pelog
Pathet Nem
Aja padha gumuyu
Ayo kabeh padha gugur gunung
Ngresiki manfaatake kanthi apik
Resik maringna bumiku
Wajib maring para bocah
5.
S.M. Mijil, Laras Pelog
Pathet Nem
Padha ngadeka mbanguna iki
Ngresiki sedoyo
Alam indah sing padha akehe
Resiki kabeh lan manfaati
Ing dunya saiki
Ayo bareng mlayu
6.
S.M. Sinom, Laras Pelog
Pathet Barang
Mumpung cilik aja nggaya
Hormato marang wong tuwa
Nglakoni tindhakan becik
Becik marang sasami
Sregep nglakoni sholatipun
Ninggalke tindhak ala
Aja adoh marang gusti
Dimanfaatake kang dadi mulyaa
7.
S.M. Maskumambang, Laras Pelog
Pathet Nem
gawe manfaat ing bumi ayu iki
gen apik kusuma
asri indah lan amprih
mring bumi pakupa jiwa
8.
S.M. Megatruh, Laras Pelog
Pathet Barang
Kanyatan ing dunya aja diguyuake
Kabeh padhaa manfaati
Manfaate dunya iku
Ayo kabeh diresiki
Aja padha ninggalno
9.
S.M. Dhandhanggula Masentar, Laras Slendro
Pathet Sanga
Karesikan alam di agawe
Kabeh para manungsa ing dunya
10.
S.M. Asmaradana Jakalola, Laras Pelog
Pathet Barang
Ayo padha
remenake
Gawe dunya kang
apika
Aja padha
nglaleake
Anane alam ing
dunya
Manungsa padha
njaga
Njaga alam bumi
ayu
Kabeho padha
tresnaa
11.
S.M. Pangkur, Laras Slendro
Pathet Sanga
Mangkono urip
ing dunya
Kabeh padha setiti ngati-ati
Ayo kabeho tumuju
Marang bumi kitaa
Agawe tresna marang bumi ayuu
Kabeh njaga manfaatna
Kahanan ing bumi iki
Siti Nur Hafidhoh
Semarang, 17 Desember 2014
Tag :
sastra,
Sesorah Pambagya Harja
By : Unknown
SESORAH PAMBAGYA HARJA
Sesorah Pambagya Harja
Ketua Panitia Lomba Intern
Assalamu'alaikum wr. wb.
Bismillahirrahmanirrahim,
Alhamdulillahirabbil’alamin, wabihi nasta’in wa’ala umuriddunya
waddin, washalatuwassalamu’ala asyrafil anbiyaiwalmursalin wa’ala alihi
washahbihi ajma’in,
amma ba’du.
Ingkang kula ta’dzimaken dhumateng K.H Almamnuhin Kholid minangka
pengasuh Pondok Pesantren As Salafy Putra – Putri Al Asror,
Ingkang kinurmatan dhumateng dewan asatidz-asatidzah Pondok Pesantren
As Salafy Putra - Putri Al Asror,
Ingkang kinurmatan dhumateng pengurus umum, pengurus putri saha
pengurus putra Pondok Pesantren As Salafy Putra – Putri Al Asror ,
Lan para kanca-kanca seperjuanganipun wontening Pondok Pesantren As
Salafy Putra – Putri Al Asror kang kula tresnani sedayanipun.
Sumangga ingkang
sepisan kedah ngaturaken syukur dhumateng Gusti ingkang Maha kuwaos ingkang sampun
maringaken rahmat lan hidayahipun. Kita sedaya taksih saged makempal manunggal
kanthi tentrem, bagas lan waras ing adicara pembukaan lomba intern kagemipun
nyambut haul khataman kang kaping 15 samenika. Boten kesupen sholawat saha
salam kita haturaken dhumateng junjungan kita Nabi Agung Muhammad Shollallohu
‘Alaihiwasallam.
Kanca-kanca
ingkang kinurmatan, kula minangka ketua panitia lomba intern kagemipun nyambut
haul khataman kang kaping 15 ngaturaken panuwun dhumateng :
Kaping satunggal kagemipun Abah
Almamnuhin Kholid, dewan asatidz-asatidzah, lan para kanca-kanca sedaya ingkang
sampun saged ngrawuhi ing adicara menika. Kaping kalih, ngaturaken panuwun
kagemipun Abah Almamnuhin Kholid ingkang sampun paring ijin ngawontenaken adicara
menika. Kaping tiga, kagemipun para panitia ingkang sampun kersa pambiyantu
awujud menapa kemawon bandha, tenaga lan sak piturute.
Adicara menika wonten
lomba-lombanipun ingkang kathah. Inggih menika, lomba rebana, lomba cerdas
cermat, lomba maos geguritan, lomba mading, lomba nyerat kaligrafi, lomba debat
lan taksih kathah lomba-lomba sanesipun. Wekdalipun lomba menika kaleksanaaken saking
minggu satunggal wulan februari ngantos minggu ketiga wulan maret. Dinten-dinten
lombanipun menika kemis ndalu lan ahad siyang. Lomba-lomba menika hukumipun
wajib kagem sedayanipun santri ingkang nderekaken madinipun wontening Pondok
Pesantren As Salafy Al Asror.
Ngawontenaken adicara menika,
ancasipun inggih mugia para santri saged sami kompak, saged sami kerjasamanipun kaliyan santri sanese, saged
nyengkuyung, saged ningkataken kreatifitasipun para santri, lan saged ndherekaken
sedayanipun lomba ing adicara menika.
Kanca-kanca ingkang kinurmatan, kula minangka ketua
panitia nyuwun agungipun pangapunten mbok bilih lampahipun adicara samangke
kirang mranani penggalih saha kathah lepating atur, salajengipun kula atas nama
panitia tansah nyuwun para rawuh kersa lelenggahan sinampi mriksani lampahipun
adicara saking purwa madya dumugi wasana.
Wasana cekap semanten atur kula menawi kathah lepating
atur, kirang subasita kula tiyang enem nyuwun agungipun pangapunten.
Wassalamu'alaikum wr. wb.
Hafidhoh Putri
Ar-Rohman
Semarang, 17
Desember 2014
Tag :
pendidikan,
Tradhisi Budaya Jawa
By : Unknown
TRADHISI BUDAYA
JAWA
Ruwatan Rambut Gimbal
Ing
tlatah pegunungan Dieng lan desa-desa ing sakiwa tengene Gunung Sindoro-Sumbing
isih akeh kang duweni rambut gembel utawa gimbal. Rambute warna abang kaya
rambut jagung, pating plintir, kempel, lan bundhel. Wujude ranbut gembel
dibedakake ana telu yaiku gembel pari, gembel dhebleng, lan gembel jatha.
Gembel
pari wujude rambut gembel kang plintir-plintirane cilik-cilik. Dene gembel
dhebleng wujude rambut gembel kang plintir-plintirane luwih gedhe lan akeh utawa
ketel. Menawa gembel jatha wujude rambut gembel kang plintirane luwih gedhe
tinimbang gembel dhebleng.
Dene mapane utawa manggone gembel
bisa ana telung perangan sirah, kang parabane ya dadi ana telu, kayata kang
thukul ing sirah sisih buri diarani gembel gombak, menawa tukule rambut ing
sirah sisih pilingan utawa ngirigan diarani gembel pethek. Dene yen thukue
rambut gembel ing sirah sisih ngarep sandhuwure embun-embun diarani gembel
kuncung.
Bocah
menawa arep thukul rambute gembel biasane mawa tandha-tandha lara panas dhisik.
Menawa lara panase ora mari-mari, rasa kasurjanane wong tuwane marang anake
tansaya mantep lan percaya yen anake arep thukul rambut gembele.
Ing
tlata Sindoro lan Dieng, kerep ditemoni bocah rambut gembel jinis pari lan
jatha. Manut kapercayan warga ing kana, yen rambut gembel jinis pari menawa
nandur pari bisa lemu-lemu lan akeh pametune. Kang rambut gembele jinis jatha
menawa nandur nbako bakal subur lan lemu-lemu ake godhonge. Menawa bocah rambut
gembel mau wis gedhe lan rambute arep dicukur, warga nganake upacara nyukur
rambut gembel. Lumrahe ducukur yen bocahe wis umur 5-7 taunan.
Biasane
sadurunge dicukur bocah rambut gembel duwe panjaluk maneka warna. Ana kang
njaluk dibelehake pitik, njaluk ditukokake motor, lan uga ana kang njaluk
ditanggapake wayang purwa kang critane “Semar Kuncung”. Saperangan warga kana
padha duweni panemu nyukur rambut gembel kuwi kudu diruwat lan nganggo upacara,
sarta kudu nuruti panjaluke bocahe.
Panyukure
rambut gembel kudu ing wayah bengi ngepasi dina wetone. Sadurunge upacara
kawiwitan, bocahe dilungguhake ing jadah dienggoni sandhangan sarwa putih.
Bocah mau diapit para sesepuh lan dhukun kang bakal nyukur rambut gembele. Dene
sesaji kang kudu dicepakake awujud kaya ing gisor iki :
11.
Tumpeng
robyong 8. Banyu putih
22.
Banyu
kembang boreh 9. Jenang abang putih
33. Wedhus
kendhit 10.
Jenang katul
44.
Jago 11.
Gedhang raja
55.
Jajan
pasar 12.
Kembang telon
66.
Manuk
dara sejodho 13. Rokok
77.
Wedang
teh lan kopi
Sabubare dhukun maca mantra, banjur
kawiwitan nyukur rambute si bocah. Guntingan rambut gembel dibuntel nganggo
mori putih dilarung ing kali. Lumrahe menawa bocah rambut gembel bubar dicukur,
bocahe ora nakal, ora ugungan, lan ora lara-laranen.
Siti Nur
Hafidhoh el Rohman
Semarang, 17
September 2014
Tag :
budaya,
Tuladha Carita Kanggo Kelas XII
By : Unknown
Cerita Kanggo Kelas XII Semester
I
DEWA
RUCI
Madeg
kraton Astinapura Prabu Dhestarastra kaadep dening pyta mbarebe, Duryudana,
Patih Sengkuni, ln Pandhita Krepo. Surasane pirembugan ana gandheng cenenge
karo peprentahan Astina ing tembe burine marang para Kurawa, ngengeti para
Pandhawa wis wiwit diwasa. Duryudana ngesuk bapake, kapan dheweke bakal
winisuda dadi Ratu Anom ing Astina. Sawetara Sengkuni budidaya mbujuk Prabu
Dhestarastra, supaya hak tumrap keprabon lan Pandhawa, kepiye nasibe para
Kurawa kang cacahe ana status bocah? Sawijining cara yaiku ngelongi kekuwatane
Pandhawa. Amarga kekuwatane Pandhawa dumunung marang Bima, mula Bima kudu
disingkirake.
Dene ing
keputren Astina Dewi Gendari mahargya rawuhe Prabu Dhestarastra. Dewi Gendari
nakokake babagan rantaman wisudane Duryudana dadi Ratu Anom Atina. Prabu
Dhestarastra ngendika lagi digolekake wektu lan wayah kang trep supaya ora
nuwuhake congkrah karo Pandhawa. Dewi Gendari aweh panemu Pandhawa kudu
dsisingkirake supaya keprabon Astina tetap dadi duweke Duryudana. Prabu
Dhestarastra nerangake lamun panemune Dewi Gendari wis kamot ana rancangane
Sengkuni kang bakal ngelongi kekuwatane Pandhawa.
Sabanjure
Duryudana lan Patih Sengkuni nganakake sapatemon karo Dursasana, Kartamarma,
Citrayuda, Citraksi, Drmagati, lan saperngan Kurawa liyane. Patih Sengkuni
nyaranake supaya Duryudana njaluk pambiyantune Pandhita Durna, kanggo
ningkirake Bima. Carane manut marang Pandhita Durna, kang baku ora
ngelok-ngelokake langsung para Kurawa. Sengkuni uga mrentah Kartamarma supaya
ngrehake Kurawa menyang Sokalima. Menawa Pandhita Durna gagal ngojok-ojoki
Bima, Kurawa kudu cekat-ceket. Kroyok lan pateni Bima ing Sokalima. Duryudana
lan Sengkuni banjur budhal lan disusul dening Kurawa liyane.
Lagya kang
ana ing pertapan Sokalima Pandhita Durna kaadhep dening anak siji-sijine,
Aswatama. Ora let suwe Duryudana lan Sengkuni teka. Sawise ngabarake
keslametan, Duryudana ngaturake niyate njaluk pambiyantune Begawan Durna supaya
nyingkirake Bima. Iki kanggo waluyaning keprabon Astina marang para Kurawa.
Wiwitane Begawan Durna kabotan. Nanging Sengkuni lan Duryudana ngesuk kanthi
cara ngundamana dedununge Resi Durna ing Astina kang ora ucul saka lelabuhane
lan lamone Prabu Dhestarastra. Kasurung saka utang budi, resi Durna tandhone
saguh mujud panjaluke Durudana.
Sawise Sengkuni
lan Duryudana lunga, Resi Durna banjur nimbali Bima. Kanthi alesan kanggo
ngluhurake Pandhawa, Bima diutus golek banyu panguripan Tirtapawitra menyang
gunung Candradimuka. Nalika Bima lagi ngambrukake wit-wit gedhe lan njegol
watu-watu gedhe nggolki Tirtapawitra, dumadakan ana buta loro cacahe, Rukmuka
lan Rukmakala. Kalorone buta iku murka amarga Bima wis ngrusak tatanan
panguripan ing gunung Candradimuka ;an Tirtapawitra ora ana ing gunung kuwi.
Dumadi geehinh panemu, wekasan dadi bandayuda. Amarga saka ampuhe kuku
Pancanaka, Bima kasil merjaya Rukmuka lan Rukmakala, sawise mati jisime badhar
dadi Bethara Indra lan Bethara Bayu.
Bethara Indra
nerangake lamun Tirtapawitra ora ana ing gunung Candradimuka. Bima didhawuhi
ngadhep marang Resi Durna nyuwun katrangan kang cetha dumunung Tirtapawitra. Bima
sendika dhawuh bali menyanh Sokalima nemoni Resi Durna. Dene Bethara Indra lan
Bethara Bayu kondur menang kahyangan.
Gumelar ing
ereng-erenge Candradimuka. Arjuna lan Yamawidura ketemu karo rombongan Kurawa. Dumadi
bedaning panemu kang ndakekake psulayan. Arjuna lan Yamawidura dikroyok dening
Kurawa. Bejane nalika Arjuna lan Yamawidurakadhesek, Bima teka langsung
mbiyantu ngoyak Kurawa. Bima ngomong marang Arjuna lan Yamawidura menawa
Tirtapawitra ora ana ning gunung Candradimuka. Deweke saiki arep bali menyang
Sokalima arep nyuwun kapesthen Resi Durna, ana ngendi mapane Tittapawitra. Katelune
banjur pisah lakune. Bima menyang Sokalima dene Arjuna lan Yamawidura bali
menyang keputren Astina arep nemoni Dewi Kunthi lan kluwarga Pandawa liyane.
Bali ing
pertapan Sokalima. Resi Durna nampa tekane Bima. Sawise Bima nyritakake
kedadean kang sabenere, Resi Durna banjur alesan menawa sabenere kabeh kuwi mau
kanggo nguji kesabaran lan kekuawatane Bima. Resi Durna banjur nuduhake papan
panggonane Tirtapawitra kang sabenere yaiku ing dhasara samodra. Bima langsung
pamit tumuweng segara kidul.
Gelare kaputren
Astina. Dewi Kunthi lan Puntadewa nampa tekane Arjuna lan Yamawidura. Ing wektu
iku uga Bima teka saperlu nyuwun donga pangestu marang ibune saperlu arep
nggolek Tirtapawitra yaiku Dewi Kunthi. Dewi Kunthi menggak Bima lan
ngndikakake menawa Tirtapawitra sejatine ora ana. Iku mung rekadayane Resi
Durna kang arep nyilakani Bima. Nanging Bima tetep nuhoni marang dhawuhe gurune
lan budhal nggoleki Tirtapawitra ing dhasaraing samodra. Dewi Kunthi dhawuh
marang Arjuna lan Yamawidura ngawat-awati lakune Bima.
Ing dhasare
samodra ana ula kang ngadhang lakune Bima. Kekarone mbudidaya nyilakani siji
lan sijine. Tundhone Boma kasil mateni ula kasebut. Nanging Bima uga semaput
lan klekep tekan dhasar samodra.
Katon Dewi
Ruci lagi sapatemon karo Bima. Dewa Ruci takon apa kekarepane Bima nyilem
nganthi dhasare samodra. Bima nerangake menawa dheweke diutus gurune nggolek
Tirtapawitra. Dewa Ruci ngandharake menawa sejatine mapan ing dhiri pribadine
Bima dhewe, kang wujude niyat kanggo tumindak jujur lan luhuring budi, sarta
ngenggonake rasa kurmat marang sapadhane. Nindakake kabecikan tanpa pamrih,
tresna marang sapdha-padha kaya dene tresna marang awake dhewe. Saka Dewa Ruci,
Bima antuk wejangan babagan ilmu kasampurnan, ing anatarane asaling dumadi,
sangkan paraning dumadi, lan tataraning dumadi. Bima banjur didhawuhi bali
menyang Astina nglumpuk karo ibu lan sedulure, amarga isih akeh keawajiban kang
kudu ditindakake.
Hafidhoh Ar-Rohman
Semarang, 13 Desember 2014
Tag :
pendidikan,
Soal Wulangan Kelas VIII Semester I
By : Unknown
WULANGAN 1
I. Wangsulana
pitakon-pitakon ing ngisor iki kanthi meneh tandha ping (x) ing sangarepe
pratelan kang paling bener!
1.
Upacara tradisional
nganti saiki tetep diuri-uri. Tembung diuri-uri tegese ....
a.
digegadhang c. dilakoni
b.
dirayakake d. dilestarekake
2.
ing ngisor iki
nggunakake tembung panggandheng, kajaba ....
a.
Adhiku mangan tahu
bacem ing teras.
b.
Dheweke ora mlebu
jalaran lara.
c.
Sesuk ulangan
nanging aku durung sinau.
d.
Aku lan Dewi nyilih
buku ing perpus.
3.
Manawa diwulang aja
padha cengegesan.
Tembung
cengegesan kalebu tembung ....
a.
dwilingga c. dwiwasana
b.
dwipurwa d. dwilingga salin swara
4.
Parno makani wedhus
ana kandhang.
Manawa
diudhal yaiku ....
a.
J – W – K c. J – W – L - K
b.
J- W – K d. J- W – L – K
5.
Ing ngisor iki kang
kalebu tembung dwipurwa ....
a.
Cengenges,
jelelatan c. Gegayuhan, cengengesan
b.
Ali-ali,
anting-anting d. lelaku, tetuku
6.
Gunane AksaraMurda
kaya ing ngisor iki, kajaba ....
a.
Kanggo nulis gelar
b.
Kanggo nulis asmane
tiyang
c.
Kanggo nulis layang
d.
Kanggo nulis jeneng
papan
7.
Basa krama inggile
sirah yaiku ....
a.
pasundhulan c. endhas
b.
mustaka d.
gundhul
8.
Wong mangan, manawa
kewaregen padatan banjur suduken. Sing suduken ing ukara iku yaiku ....
a.
sirahe c. dhadhane
b.
wetenge d.
tangane
9.
apa tegese kabo
nusu gudel ....
a.
wong tuwa lagi
ngunjuk.
b.
wong tuwa kang
susah mikirake anake.
c.
Wong tuwa dijaluki
warah wong enom.
d.
Wong tuwa njaluk
warah marang anake.
10. Upacara adat nalika
bayi isih ana kandhutan umur pitung wulan diarani ....
a.
selapanan c. sepasaran
b.
tingkeban d.
puputan
11. Tembung macapat
kang guru gatrane paling akeh ....
a.
dandhanggula c. pangkur
b.
pocung d.
sinom
12. Ukara ngisor iki
tuladhane ukara sambawa kang duwe teges mokal ....
a.
Dheweke maneh
bijine apik.
b.
Aku sing sinau bae
bijine 7.
c.
Udana aku tetep
mangkat.
d.
Sinaua bisa apik
bijine.
13. Bebanjaran wit-wit
ijo maya-maya
Pager
urip tinata warata pener ngrembaka
Trembesi
lamtara, randhu dhadhap langangsana
Andher
baris muwuh santisaning desa
Cuplikan
geguritan “Desaku” nggunakake tembung andhahan.
Tembung
andhahan Bebanjaran kalebu ....
a.
Dwi purwa c. Lingga andhahan
b.
Dwi Wasana d. Dwi Lingga
14. Kursi menika
ingkang dipundamel saking kajeng mahoni.
Ukara
ndhuwur luput benere ....
a.
Kursi ingkang
dipundamel saking kajeng mahoni.
b.
Kursi menika
dipundamel saking kajeng maoni.
c.
Kursi menika ingkang
dipundamel kajeng maoni.
d.
Kursi menika
ingkang saking kajeng maoni.
15. Pratelan kang ora
kalebu sarana kanggo nawakake produk yaiku ....
a.
kalawarti c. tabloid
b.
ariwarti d.
buku
Hafidhoh Nur Rohman
Semarang, 13 Desember 2014
Tag :
pendidikan,